Fanambarana fitsanganan’ny Komity miarp ny sata sy ny fahleovantenan'ny Banky Foiben'i Madagascar

Ho an’Andriamatoa Filohan’ny BANKY FOIBEN’I MADAGASIKARA

ANTONY : Fanambarana fitsanganan’ny Komity ato amin’ny Banky Foiben’i Madagasikara
Andriamatoa Filoha,

Voninahitra lehibe ho anay ny mampahafantatra anareo ny fitsanganan’ny Komity miaro ny Sata sy ny Fahaleovan – tenan’ny Banky Foiben’i Madagasikara noho ny tsy fanekenay marin- drano ny fihetsika izay nitranga teto amin’ny Firenena :

1. Faneriterena ny Banky Foiben’ny Madagasikara tsy hiasa an – kalalahana


2. Fanonganam – panjakana


3. Fampiasana herisetra amin’ny lafiny maro


4. Fandrobana fananan’olona


5. Fanapotehana ny toe – karena


6. Fanitsakitsahana ny lalam – panorenana sy ny safidim – bahoaka


7. Tsy fahafahana maneho hevitra an – kalalahana

Koa noho izany, mba ho fiarovanay ny Banky Foibe mba hahafahana hiasa an – kalalahana sy ho fiarovana ny Tanindrazana dia tsy maintsy handray fepetra izahay raha mitranga ireto toe – javatra ireto :

1. Raha misy fikitikitihana ny mpitondra na ny mpiasa na ny asa eto amin’ny Banky foibe


2. Raha misy faneriterena avy any ivelany amin’ny fomba isan – karazany


3. Raha misy ny fanenjehana sy fanaovana an – keriny amin’ny vatatenan’olona na fandratrana sy famonoana na fandrahonana fotsiny aza atao amin’ny mpiasa na amin’ny olom – pirenena tsotra any ivelany manomboka izao.

Raiso Andriamatoa Filoha ny haja ambony indrindra atolotray anao.

Antananarivo, faha 03 aprily 2009
KOMITY MIARO NY SATA SY NY FAHALEOVANTENAN’NY BANKY FOIBEN’I MADAGASIKARA